XXI ғасыр дағдылары: инновациялық тәжірибелер мен жаһандық жобалар
2025 жылдың 19 қарашасында «Инновациялық білім беру тәжірибелері: STEM-тен STEAM-ға» әдістемелік күні аясында М.Мәметова атындағы №28 мектеп-лицейінде «XXI ғасырда дамытуды қажет ететін құзыреттер» атты дөңгелек үстел өтті. Қазақ тілі, жаратылыстану-ғылыми және гуманитарлық цикл мұғалімдері қазіргі оқушыларға қажет негізгі дағдыларды бірге талқылады: сыни ойлау, креативтілік, коммуникация, коллаборация, цифрлық сауаттылық, медиасауаттылық және жасанды интеллектпен жұмыс істеу қабілеті.
Кездесудің модераторы Соколова Н.М. интерактивті стратегияларды қолдана отырып, еркін диалогқа арналған динамикалық орта қалыптастырды:
• Тегтер бұлты — оқытудағы ортақ құндылықтар мен басымдықтарды анықтау үшін;
• 💡 Миға шабуыл — тиімді әдістемелік шешімдерді іздеу мақсатында;
• Төңкерілген сынып — мұғалім мен оқушының дәстүрлі рөлдерін қалай өзгертуге болатынын көрсету үшін.
Педагогтар STEM және STEAM технологияларын қолданудағы өз әдістемелік табыстарымен, авторлық тәсілдерімен белсенді бөлісті, сондай-ақ білім беру процесінде жасанды интеллекттің жаңа мүмкіндіктерін талқылады: идеялар мен материалдар генерациясынан бастап деректерді талдауға және жеке білім беруді дамытуға дейін.
Ерекше назар биылғы оқу жылының басынан бастап мектебіміз қатысып келе жатқан GLOBAL SCHOLARS халықаралық жобасына аударылды. Наталья Михайловна алғашқы нәтижелер туралы, оқушылардың мәдениетаралық өзара әрекеттесу тәжірибесі жөнінде және жобаның жаһандық ойлауды, экологиялық жауапкершілікті және цифрлық коммуникация дағдыларын қалыптастыруға қалай ықпал ететіні туралы айтты.
Мұндай іс-шаралар педагогтарды шабыттандырып, біріктіреді, білім беруді уақыт талабына сай дамытуға деген ұмтылысты күшейтеді — идеядан инновацияға, жергілікті тәжірибеден жаһандық ынтымақтастыққа.
