Медеу ауданының ұстаздарына көрсетілген құрмет

2025 жылғы 2 қазан күні, Медеу ауданы әкімдігінде Мұғалімдер күні қарсаңында ұстаздарға арналған салтанатты қабылдау өтті. Бұл күні жас ұрпақты тәрбиелеуге күн сайын жүрегін арнап жүрген ұстаздарға ерекше құрмет пен алғыс білдірілді.

Солардың бірі — «М.Мәметова атындағы №28 мектеп-лицейінің» директоры Медетбекова Айсұлу Темірғалиқызы. Ол Медеу ауданының әкімі Оразалин Е.Н. атынан «өз ісіне адалдығы, кәсіби біліктілігі және ауданның білім беру жүйесіне қосқан елеулі үлесі үшін» құрмет грамотасымен марапатталды.

Біз Медеу ауданы әкімдігіне мұғалімдер еңбегіне көрсеткен назар мен қолдау үшін алғысымызды білдіреміз. Мұндай жоғары баға — біздің барша ұстаздар қауымы үшін үлкен құрмет әрі шабыт, алдағы уақытта да өз ісімізді махаббатпен және ынтамен атқара беруге күш береді.

Мұғалімдер күні — бұл еліміздің болашағын қалыптастыратын жандардың мерекесі. Ұстаз болу — жай мамандық емес, бұл – шын жүректен келетін миссия, зор жауапкершілік пен балаларға деген шексіз махаббат.

Әр ұстаз өз еңбегі үшін тек мереке күндері ғана емес, күн сайын шынайы құрмет пен қолдауды сезінсін!