«Мектебім – мейірім мекені» атты салтанатты жиын/Линейка, посвящённая Дню Знаний «Мектебім – мейірім мекені»

2025 жылғы 1 қыркүйекте КММ «№28 М.Маметова атындағы мектеп-лицейінде» жаңа 2025–2026 оқу жылының басталуына және Білім күніне арналған «Мектебім – мейірім мекені» атты салтанатты жиын өтті.
Мерекелік іс-шара оқушыларды, ұстаздарды және ата-аналарды қуанышқа, жылылық пен шабытқа толы ортаға біріктірді.

Мектеп-лицей директоры Медетбекова Айсулу Темірғалиевна жылы лебізін білдіріп, баршаға сәтті, жемісті және берекелі оқу жылын тіледі.

Салтанатты жиынның құрметті қонағы — Медеу аудандық ОЮП басшысы Нұрғалиева Айгерім Маратовна болып, 1-сынып пен 11-сынып оқушыларына маңызды әрі ізгі тілегін арнап, қауіпсіздік ережелері мен азаматтық жауапкершілік жайында еске салды.

Жақсы дәстүр бойынша, 11-сынып түлектері бірінші сынып оқушыларына қолдау, достық пен сабақтастықтың символы ретінде естелік сыйлықтарын тарту етті.

Мерекені оқушылар мен мұғалімдер дайындаған әсерлі музыкалық бағдарлама көркемдеді. Әндер, өлеңдер мен жүрекке жеткен жылы сөздер айтылып, бұл күнді нағыз ұмытылмас сәтке айналдырды.

Бұл оқу жылы бәріміз үшін жаңалықтарға, ізгі істерге және шабытты жеңістерге толы жыл болғай! Білім күні құтты болсын, достар!