Сүйікті ұстазбен кездесу: әр балаға бір алма
Мұғалімдер күніне орай М.Мәметова атындағы №28 мектеп-лицейінде бастауыш сынып мұғалімі Күчербаева Алия Қабдахметқызы ұйымдастырған ерекше әрі жүрекке жылы тиетін іс-шара өтті.
Ұстаз өз оқушыларына «Сүйікті ұстазбен кездесу: әр балаға бір алма» атты шынайы мереке сыйлады. Сабақ барысында Алия Қабдахметқызы әр балаға алма табыстап, оны білімнің, денсаулықтың және даналықтың символы ретінде ұсынып, жылы лебіздері мен тілектерін жеткізді.
Балалар үшін бұл сыйлық — жай ғана тәтті емес, мейірім мен қамқорлықтың белгісі, ал алма — күн сайын сабақта алатын жаңа білімнің бейнесі ретінде қабылданды.
Оқушылар өз ризашылықтарын білдіріп, өлең оқып, ән айтып, ұстаздарына қол шапалақтап, қуаныш пен күлкі сыйлады.
Іс-шараның атмосферасы шынайы қуаныш пен алғысқа толы болды. Бұл сәттер балалардың жүрегінде ұзақ сақталары сөзсіз.
