Жазғы демалыс/Летние каникулы
Қауіпсіз мінез-құлық мәдениетін қалыптастыруға бағытталған ақпараттық-ағартушылық жұмыс аясында мектепте тақырыптық постерлер орналастырылды. Ақпараттық материалдар мектептің ресми сайтында жарияланып, сондай-ақ мектеп дәліздеріндегі стендтерге орналастырылды.
Постерлердің мазмұнымен оқушылар мен олардың ата-аналары таныстырылды.
Плакаттарда қауіпсіздік және мінез-құлық ережелерінің маңызды аспектілері қамтылды, соның ішінде:
велосипед, самокат және басқа да қозғалыс құралдарымен жүргенде міндетті түрде шлем тағу қажеттілігі;
бейтаныс адамдармен байланыс кезіндегі мінез-құлық ережелері («егер бейтаныс адам шақырса – "жоқ!" деп нық айту керек»);
күнді ауа райында бас киім киюдің маңыздылығы;
жолды кесіп өтерде және қозғалыс кезінде мұқият әрі сақ болу;
жол үстінде ойнауға қатаң тыйым салынатыны;
ормандағы мінез-құлық ережелері;
су айдындарындағы қауіпсіз мінез-құлық негіздері.
Сондай-ақ келесі өзекті тақырыптар бойынша жадынамалар ұсынылды:
балалар мен жасөспірімдер арасындағы буллингтің алдын алу;
кибербуллинг және интернет желісіндегі қорғану жолдары.
Аталған материалдарды орналастыру оқушылар мен ата-аналардың мүмкін болатын қауіптер мен олардан сақтану жолдары туралы хабардарлығын арттыруға ықпал етті.
