«Ахмет Байтұрсынұлының шығармашылығы» атты кітап көрмесі

7 сентябрь күні М.Мәметова атындағы №28 мектеп-лицейдің кітаханасында  «Ахмет Байтұрсынұлының шығармашылығы» тақырыбында ғалымның шығармашылық қызметін ашып көрсететін кітап көрмесі ұйымдастырылды. Көрмеге ғалым, ағартушы – педагог, сөз құдіретін танытқан танымал ақын, қазақ баспасөз тілінің ұлттық үлгісін көрсеткен талантты публицист, қазақ тіл білімінің іргетасын қалаушы, мәдениет қайраткері – Ахмет Байтұрсынұлының  қаламынан туған шығармалары  ұсынылды.  Кітап көрмесі келесі материалдарды ұсынады: энциклопедиялар,  көркем әдебиет және ағартушы туралы әдебиеттер. Кітап көрмесінің мақсаты - ұлы қайраткердің еңбектерін жан-жақты насихаттау мен оқырмандарды А. Байтұрсынұлының әдеби мұрасымен таныстыру.