Kazakhstan Smart Space ғарыштық технологиялар және инжиниринг бойынша 3-ші халықаралық байқаудың қорытындысы

2024 жылғы 10–12 сәуір күндері М.Мәметова атындағы №28 мектеп-лицейі үшін ерекше әрі тарихи сәттерге айналды. Осы күндері білім ордамыздың алты командасы халықаралық деңгейдегі беделді ғылыми сайыс – 3-ші Халықаралық «Kazakhstan Smart Space» байқауының финалына қатысып, жоғары нәтижелерге қол жеткізді.

Тәжірибелі тәлімгерлердің жетекшілігімен тынымсыз еңбектеніп, зерттеулер мен тәжірибелер жүргізген оқушылар өз әлеуетін толық көрсете білді. Мектеп командаларының осындай ауқымды әрі мәртебелі жарысқа қатысуы – №28 мектеп-лицейінің ғылыми-техникалық бағытта жоғары сапалы білім беретінін, әрі оның халықаралық деңгейде мойындалғанының айғағы.

Айрықша атап өту керек, 10-сынып оқушысы Сүлеймен Аджи бастаған команда байқауда бірінші орынды иеленіп, 30 000 теңге көлеміндегі сертификатқа ие болды. Олардың жобасы сарапшылар тарапынан ең үздік жоба деп танылды, бұл оқушылардың шығармашылық ойлау мен жоғары дайындық деңгейінің дәлелі болды.

Сонымен қатар, 8-сынып оқушысы Гарькавец Андрей капитандық еткен команда да байқауда екінші орынға ие болып, қазылар алқасының жоғары бағасына ие болды. Бұл жетістік жас қатысушылардың табандылығы мен дарынының нәтижесі екені сөзсіз.

«Kazakhstan Smart Space» байқауындағы бұл табыс – жас ғалымдар мен инженерлеріміздің үлкен жетістіктерге бастар алғашқы қадамы ғана. Олар алдағы уақытта да зерттеулерін жалғастырып, Қазақстанның ғана емес, бүкіл әлемнің ғарыштық технология мен техника саласындағы дамуына өз үлестерін қоса береді.