«Лицейші» журналистер клубы
Уақыт өткен сайын М.Мәметова атындағы №28 мектеп-лицейі өзінің талантты оқушылары мен жетістіктерімен таңғалдыруын тоқтатпай келеді. Мектеп өмірінің ең маңызды тарихи бағыттарының бірі – атақты түлек Олжас Сүлейменов атындағы бөлмеде жұмыс істейтін "Лицеист" журналистер клубының қызметі болып табылады.
2010 жылы құрылған бұл клуб мектеп мәдениетінің ажырамас бөлігіне айналды. Ал 2019 жылдан бастап жаңа даму кезеңіне аяқ басты. Сол уақыттан бері "Лицеист" мектебіміздің рухын, құндылықтары мен тыныс-тіршілігін бейнелейтін заманауи форматтағы газет шығара бастады.
Бастапқы кезден-ақ бұл клуб 10–11 сыныптың талантты оқушыларына өз ойларын баспа сөз арқылы жеткізуге мүмкіндік берген бірегей орта болды. Тәжірибелі ұстаздар мен тәлімгерлердің жетекшілігімен клуб көптеген жас қаламгерлердің шығармашылық әлеуетін ашып, оларды ақпарат тарату мен қоғамдық пікір қалыптастыру ісіне тартты.
Газет беттері – жас ұрпақтың үнін, көзқарасын, идеялары мен шығармашылығын жеткізетін алаңға айналды. Әрбір нөмір – мектеп өмірінің айнасы, маңызды оқиғалардың, жетістіктердің, заманауи мәселелер мен тың ойлардың көрінісі.
Редакция жұмысын химия пәнінің мұғалімі Соколова Наталья Михайловна үйлестіріп, әртүрлі бағыттағы және қызығушылықтағы оқушыларды біріктірген шынайы шығармашылық ұжым қалыптастырды.
Эльвира Аубакирова, Милена Захарова, Алуа Шадьярова, Ульяна Хрукалова, Виктор Новогранов, Милана Чистякова және басқа да талантты жас журналистер мен фототілшілер әрбір нөмірдің мазмұнды әрі көркем шығуына өз үлестерін қосып келеді.
"Лицеист" газетінің 40-нөмірінің жарық көруі – бұл клубтың мектеп өміріндегі маңыздылығы мен өзектілігін тағы бір мәрте дәлелдейді. Бұл – тек басылым ғана емес, ол – мектеп қауымдастығы үшін шабыт пен ақпараттың қайнар көзі, болашақ журналистер мен жазушылардың алғашқы баспалдағы.
