Аудандық сенбілікке
Күз мезгілі – табиғаттың түрлі түске боялып, сұлулығымен тамсандыратын ерекше шағы ғана емес, сондай-ақ қоршаған ортаны қорғау жолында игі істер жасауға тамаша мүмкіндік. «Таза Қазақстан» республикалық акциясы мен «Адал Азамат» бағдарламасы аясында КММ «М.Мәметова атындағы №28 мектеп-лицейінің» ұжымы ата-аналармен бірлесе отырып аудандық сенбілікке белсене қатысты. Сенбілік мектеп аумағында өтті.
Педагогтар, техникалық қызметкерлер мен белсенді ата-аналар ортақ мақсат жолында күш біріктіріп, мектеп пен оның айналасын таза әрі жайлы етуге үлес қосты. Қоқыс пен жапырақтар жиналып, жолдар сыпырылып, гүлзарлар мен жасыл аймақтар ретке келтірілді.
Бірлесе атқарылған еңбек нақты нәтижелерге жетудің кепілі екенін тағы бір дәлелдеді. Бірнеше сағаттың ішінде мектеп аумағы көркейіп, тазарып, күздің өзіндік сәнімен жарқырай түсті.
Мұндай шараларға ата-аналардың қатысуы – отбасы мен мектеп арасындағы шынайы серіктестіктің жарқын үлгісі. Әрбір адам ортақ іске жауапкершілікпен қарап, өскелең ұрпаққа өнеге көрсетті. Бұл – азаматтық ұстаным мен болашаққа, қоршаған ортаға деген жанашырлықтың белгісі.
КГУ «М.Мәметова атындағы №28 мектеп-лицейі» сенбілікке қатысқан барлық жандарға алғысын білдіреді. Осындай игі бастамалар мектеп қауымдастығының ынтымағын арттырып, жас ұрпақты патриоттық рухта, еңбекқорлық пен жауапкершілікке тәрбиелеуге ықпал етеді.
Таза Қазақстан – өзімізден басталады!
Адал азамат – ешқашан бейжай қалмайтын жан!
Таза қала – өз қолымызда!
