Жоспарлы жалпықалалық сейсмикалық дайындық/ Плановая общегородская сейсмотренировка
2025 жылғы 3 наурыз күні сағат 11:00-де М.Мәметова атындағы №28 мектеп-лицейінде өрт шыққан жағдайда жалпықалалық жоспарлы сейсмотренинг өткізілді.
Оқушылардың эвакуациясы өрт туындаған кездегі эвакуация жоспарына сәйкес жүргізілді. Тренинг «Қызыл Жарты Ай» ұйымының мамандарының қатысуымен, Алматы қаласы ТЖД Медеу ауданы ТЖБ СПЧ-5 бөлімшесінің бас маманы Мұшанов Қасымбек Ибраевичтің жетекшілігімен өтті.
Төтенше жағдайлар мен өрт қауіпсіздігі кезіндегі іс-әрекеттерге арналған жаттығудың мақсаты — қауіп төнген жағдайда тиімді әрекет етуге дайындықты арттыру, оқушылардың қажетті білім мен дағдыларын дамыту болды.
Негізгі мақсаттар:
Қауіпсіздік ережелерімен танысу: Мұғалімдер мен оқушыларға өрт болған жағдайда дұрыс әрекет ету, эвакуация ережелері және қорғаныс құралдарын қолдану жолдарын үйрету.
Практикалық дағдыларды дамыту: Өрт кезінде әрекет ету, өрт сөндіргіштерді қолдану, адамдарды эвакуациялау, құтқару жұмыстарын жүргізу сияқты біліктерді қалыптастыру.
Шұғыл эвакуацияға дайындық: Қауіпті аймақтардан адамдарды тез әрі қауіпсіз шығару бойынша жаттығу эвакуацияларын өткізу.
Жоспарлардың тиімділігін бағалау: Қолданыстағы эвакуация және төтенше жағдайлар жоспарының тиімділігін тексеріп, оны жетілдіру.
Қауіп-қатерлерді азайту: Өрт қауіпсіздігі туралы жалпы хабардарлықты арттыру және төтенше жағдайлардың туындау ықтималдығын төмендету.
Оқушылар қауіп төнген жағдайда қауіпсіздікті арттырып, залалды азайтуға көмектесетін шаралармен іс жүзінде танысты. Іс-шара пайдалы ғана емес, сонымен қатар қызықты өтті және оқушылардың есінде ерекше әсер қалдырды.